Wer bin ich... Ich heisse Edi (Nei nöd Eduard.. Eduardo...u.s.w. Edi.. Churz und bündig :-)) und wohne im mit mine zwei Wuffels Leo und Luna im schöne *räusper* Kanton AG... Genau dete wo's egal isch wie mer Auto fahrt und wo wiisi Socke au mal ide öffentlichkeit dreit werdet...:-)
Erwähne muess mer allerding's scho, dass die cheibe Aargauer Rüeblitorte scho öpis feins isch :)

Wie bereits erwähnt wohn ich da nöd elei sondern mit minere Rottweilerhündin Luna und em Australian Shepherd Leo. Ich han scho immer de Traum gha en Hund zha. Die Tier fasziniered mich scho sit ich Chind bin. So isches den au sowiit cho, dass ich mir vor 7 Jahr mit Traum vom eigene Hund erfüllt han, und han mir dLuna gholt. Sie isch en absolute Goldschatz!
Mir hend scho vieles erlebt und au überlebt... :)
Im Mai 2010 hend dLuna und ich es neus gpändli zu ois gholt.. de Leo.. en absolute quirrlige Wirbelwind. Sin Zuchname luutet "Rafter Creek's Blue Fire Leo" ... Ja also füür het er definitiv.. er isch en typische Aussie und het Energie für drü. Das haltet dLuna und mich vielmals sehr uf Trap.. Sis gröschte Hobbie isch glaubs mich oder dLuna sooo lang "zNerve".. bis mer öpis mit ihm undernemed :)

Die zwei Wuffels sind zuglich mis gröschte Hobbie und begelitet de gröschti Teil vo minere Freiziit. Mer verbringe viel ziit ufem Agilityplatz...bi Military's... schöne Wanderige (bevorzugt Pilatus :-) )... Triathlons... oder eifach mal en gmüetliche Spaziergang...

So gnueg vo de Wuffel's nochli was vo mir.. :)
Bich ich mal nöd mit de Wuffels underweg, trifft mer mich mitem Bike ide Berge... mitem Kolleg bim Squashe.. am schwümme... oder am Jogge...bim "versuech" es feins Menu zchoche.. und und und... han nöd so viel Speicherplatz zum all mini aktivitäte chöne z'schriibe
Trozdem ich praktisch immer underwegs bin, gnüss ich au mal en gmüettliche Abig diheime mitemene spannende DVD.. oder es spannends Buech.

Nebscht dem, dass ich Software Entwickle, gstallt ich dWebsiite vom Rottweilerhunde Club und . Australian Shepherd Club Ineluge lohnt sich uf jedefall :)

Wünsch der viel Spas uf minere Websiite und iiblick i euse Alltag :-)